АҚШ президенти Дональд Трамп коронавирус пандемияси туфайли деярли бир ойдан буён Оқ уйни тарк этмаяпти. Бу ҳақда у журналистларга онлайн брифинг пайтида маълум қилган.
«Менга сафарлардан тийилиб туришни тавсия этишди. Бир ой давомида Оқ уйда бўлдим», — деган Трамп ва фақат бир марта Нью-Йоркка йўл олган ҳарбий-тиббий кемани кузатишга бориб келганини қўшимча қилган.
Жонс Ҳопкинс университети маълумотларига кўра, бутун дунёда коронавирус оқибатида вафот этганлар сони 150 минг кишидан ошиб кетди. COVID-19 қурбонлари ва касалланганлар сони бўйича АҚШ дунёда биринчи ўринда кетмоқда. Мамлакатда 700 мингдан ортиқ киши коронавирус юқтирган, 37 мингдан ортиғи вафот этган.
Аввалроқ Трамп АҚШда коронавирус қурбонлари қанчага етиши мумкинлиги тўғрисидаги прогнозига ўзгартириш киритгани, коронавирус сабаб жорий этилган чекловларни босқичма-босқич бекор қилиш режаси билан бўлишгани ҳақида хабар берилган эди.
Изоҳ (0)