COVID-19 коронавируси лаборатория шароитида яратилган. Бу ҳақда 2008 йили ОИВ ретровирусини очгани учун Нобель мукофотини қўлга киритган вирусолог Люк Монтаньенинг сўзларига таяниб, «Коммерсантъ» хабар берди.
Монтаньенинг сўзларига кўра, коронавирусда ОИВ зарралари пайдо бўлган. Унинг тахминига кўра, COVID-19 ОИTСга қарши вакцина ишлаб чиқариш жараёнида яратилган бўлиши мумкин.
«У табиий йўл билан пайдо бўлмаган, бу молекуляр биологиянинг иши. Қандай мақсадда — номаълум. Менинг вазифам — фактларни тақдим этиш, ҳеч кимни айбламайман, буни ким ва нима учун амалга оширганини билмайман. Балки улар ОИTСга қарши вакцина яратмоқчи бўлгандир», — дейди Монтанье.
Вирусолог Pourquoi docteur’га берган интервьюсида вирус Ухандаги лабораторияда яратилганини айтган. Бунда Монтанье франциялик математик Жан-Клод Перезнинг илмий тадқиқот натижаларидаги вирус тузилишига таяниб, шундай фикрни билдирган.
Мавзуга доир:
Пентагон COVID-19 коронавируси лаборатория шароитида эмас, табиий усулда келиб чиққан деб ҳисобламоқда, аммо разведкада бу борада якуний хулосалар йўқ эди. АҚШ давлат котиби Майк Помпео келажакда коронавирус пандемиясининг айбдорлари топилиши кераклигини ва Хитой ушбу касаллик ҳақида вақтида хабар бермаганини айтганди.
Изоҳ (0)