Фарғонада Давлат хизматлари агентлиги вилоят бошқармаси ташаббуси билан беғараз донорлик акцияси ўтказилди. Бу ҳақда «Дарё» мухбири Азизжон Эрматов хабар берди.
Акция давомида коронавирусга чалинган беморларга кўмак беришни мақсад қилган Давлат хизматлари маркази ходимлари кўнгилли равишда қон топширган.
Фарғона ва Қўқон шаҳридаги қон қуйиш марказларида 100 нафардан ортиқ ходимнинг соғлиғи шифокорлар назоратидан ўтказилиб, улардан донорлик қони олинган.
Эслатиб ўтамиз, аввалроқ Гематология ва қон қуйиш институти карантин пайтида донорлар сони камайгани сабабли Тошкент аҳолисидан ёрдам сўраганди.
Изоҳ (0)