Ўзбекистон ҳудудида балиқларни урчиш даври келганлиги сабабли сув ҳавзаларида ов қилиш тақиқланди. Бу ҳақда Экология ва атроф муҳитни муҳофаза қилиш давлат қўмитаси ахборот хизмати «Дарё»га маълум қилди.
Қўмита берган маълумотга кўра, 2020 йилда Ўзбекистон Республикаси ҳудудидаги табиий сув ҳавзаларида саноат мақсадида балиқ овлаш қуйидаги муддатларга биноан:
- Амударё ва Сирдарё сув ҳавзаларида 10 мартдан 31 майга қадар;
- Қорақалпоғистон Республикаси ва Хорзам вилояти сув ҳавзаларида 25 апрелдан 10 июнга қадар;
- Бошқа барча сув ҳавзаларида 16 апрелдан 31 майга қадар
Шунга кўра, балиқларнинг уруғ қўйиш мавсумида вилоят ҳудудидаги барча табиий сув ҳавзаларида саноатбоп балиқ овланиши қатъиян тақиқланади, броконерларга қарши курашиш кучайтирилиб, моторли қайиқларнинг сувга туширилишига йўл қўйилмайди ва спорт-ҳаваскорлик балиқчилар томонидан кичик ҳажмли кемалардан моторсиз равишда қармоқлардаги тутгичлар (илмоқлар) сони 5 тадан ошиқ бўлмаган ҳолда овланишига йўл қўйилади.
Изоҳ (0)