Ўз юртида ноодатий турар жой биноларини лойиҳалаш билан танилган полшалик архитектор Карина Вичак энг машҳур автомобиль ва бошқа брендларнинг логотипларидан илҳомланиб, ажойиб арихтектура намуналарини тақдим этди, деб хабар беради Autorambler.
Wamhouse архитектура студиясининг портфолиосидан Chevrolet, Renault ва Mitsubishi, шунингдек, Adidas логотипларининг қиёфасини такрорловчи футуристик уйлар ўрин олган. Вичак ўзининг сўнгги ишида ўткир бурчак ва тўғри қирралардан чекинишга қарор қилиб, Audi брендининг тўрт ҳалқаси кўринишидаги уй лойиҳаси билан бўлишди.
Ringshouse ёки «Ҳалқа уй» деб номланувчи ушбу лойиҳа шунчаки консепт ҳисобланади, бироқ бу кутилмаган функцияларга эга бўлган турли хил миқёсдаги таниш шаклларнинг қандай кўриниши ҳақида фикр юритиш имконини беради.
Audi логотипи 1932 йилда яратилган. Бир-бири билан боғланган тўртта ҳалқа мустақил тўртта автомобиль ишлаб чиқарувчилар — Audi, DKW, Horch ва Wanderer’нинг иттифоқи рамзи ҳисобланади. Вичак Ringshouse’ни яратишда логотипни шунчаки уй ўлчамида катталаштирибгина қолмай, ўтган асрнинг биринчи ярмига оид архитектура модернизмидан ҳам фойдаланган.
Ringshouse ёнларида ойналари бор горизонтал жойлашган тўртта бетон цилиндр кўринишида. Айлана кўринишидаги фасад билан дизайн чекланиб қолмаган — деворлар, шунингдек, уй ичида жойлашган кўплаб жиҳозлар ҳам айлана шаклини олган.
У умумий майдони 280 метр квадратга тенг бир қаватдан иборат бўлиб, унинг остида гараж ва муҳандислик коммуникациялари жойлашган. Яшаш қисми ваннага эга иккита ётоқхона, қўшимча учта ҳожатхона, коридор ва очиқ меҳмонхона, шунингдек, ошхона ва мусиқий бурчакка ажратилган.
Мавзуга доир: Видео: Mercedes компанияси янги челленж доирасида асфалтга Audi’нинг тўртта ҳалқасини «чизди»
Изоҳ (0)