Сўнгги бир суткада Москвада 1 959 киши коронавирусга чалингани аниқланди. Москва вилоятида эса 472 кишида қайд этилган, деб хабар бермоқда Касалликка қарши кураш бўйича тезкор штаб. Шу тариқа пойтахт ҳудудида бир суткада 2 431 киши коронавирусга чалинган.
Москвада 17 апрель кундузги ҳолат бўйича умумий ҳисобда 18 105 киши коронавирусга чалинган. Шулардан 1517 нафари тузалган, 127 нафари вафот этган. Москва вилоятида эса 3 526 кишида коронавирус тасдиқланган, 105 нафар бермор соғайган, 40 нафари вафот этган. Шаҳарда ЎРВИ билан хасталанган барча беморлар карантинга олинмоқда.
Сўнгги сутка давомида Россияда иккита статистик рекорд ўрнатилган — қайд этилган касалланиш ҳолати (4070) ва вафот этганлар сони (41 киши) бўйича. Умумий ҳисобда 286 киши тузалган. Шунингдек, Россияда коронавирусга чалинган ўзбекистонлик ҳам вафот этган.
Путин, Россияда, жумладан, Москвада коронавирус эпидемияси ҳали ўз чўққисига етмаганини маълум қилганди. ЖССТ вакили Россиядаги коронавирус билан боғлиқ вазия3тдан хавотирда эканини билдирган.
Изоҳ (0)