Ўзбекистонда 17 апрель соат 10:00 ҳолатига кўра коронавирус инфекциясини юқтириб олганлар сони 1380 нафарни ташкил этмоқда. Айни пайтга қадар мамлакатда коронавирусдан тўрт нафар бемор вафот этган, 140 нафар бемор тузалишга муваффақ бўлган. Соғлиқни сақлаш вазирлиги мазкур беморларнинг қайси ҳудудларда даволанаётгани ҳақида маълумот берди.
Соғлиқ сақлаш вазирлиги томонидан берилган маълумотларга кўра, айни пайтда беморлар қуйидаги ҳудудларда қайд этилган ва даволанмоқда:
- Тошкент шаҳри — 420 киши
- Бухоро вилояти — 376 киши
- Хоразм вилояти — 177 киши
- Андижон вилояти — 126 киши
- Наманган вилояти — 89 киши
- Фарғона вилояти — 86 киши
- Қорақалпоғистон Республикаси — 58 киши
- Сурхондарё вилояти — 23 киши
- Самарқанд вилояти — 8 киши
- Қашқадарё вилояти — 6 киши
- Сирдарё вилояти — 6 киши
- Жиззах вилояти — 3 киши
- Навоий вилояти — 2 киши
Тошкент шаҳрида беморлар Вирусология институти, Эпидемиология, микробиология ва юқумли касалликлар институти клиникаси ҳамда Тошкент тиббиёт академиясининг кўп тармоқли клиникасида даволанмоқда.
16 апрель куни Тошкентда коронавирусдан даволанаётган 325 нафар беморнинг 14 нафари оғир аҳволда эканлиги ҳақида хабар берилган.
Изоҳ (0)