Франциянинг Прованс университети олимлари тадқиқотлар давомида коронавирус қандай ҳароратда нобуд бўлишини аниқлади. Бу ҳақда илмий материалларни нашр этадиган bioRxiv ресурсида эълон қилинган.
Қайд этилишича, тадқиқотчилар тажриба давомида коронавирусни бир соат давомида 60 даражага қиздирган ва шундай ҳарорат таъсиридан сўнг ҳам унинг баъзи штаммлари кўпайиш хусусиятини сақлаб қолиши мумкинлигини аниқлаган. Коронавирус 92 даражада қиздирилгандан сўнггина 15 дақиқа ичида тўлиқ нобуд бўлган.
Тажрибада Германиядан келган бемордан олинган коронавирус штамми юқтирилган Африка яшил маймунининг буйрак ҳужайраларидан фойдаланилган. Инфекцияланган ҳужайралар иккита — стерил ва боиматериалли пробиркага жойлаштирилган.
Қиздирилгандан сўнг тоза муҳитда вирус штаммлари тўлиқ нобуд бўлган, стерилланмаган пробиркада эса коронавирус одамларни касаллаш учун етарли бўлган даражада кўпайишда давом этган.
Аввалроқ россиялик вирусолог иссиқ ҳавонинг коронавирусга қандай таъсир кўрсатишини маълум қилганди. Гуанчжоу ва Гонконг университетлари эпидемиологлари COVID-19 билан касалланганлар қачон энг юқумли бўлишларини аниқлаганди. Франциялик шифокорлар коронавируснинг янги белгиларини маълум қилганди, Италия ва испаниялик шифокорлар ҳам коронавируснинг яна бир аломатини аниқлаган. ЖССТ вакили эса коронавируснинг энг яққол белгисини айтганди.
Изоҳ (0)