Bugun,

  • USD 11095.31
  • RUB 173.84
  • EUR 10772.44

Koronavirus tarqalishi bilan bog‘liq holatlarning deyarli yarmi uni tashuvchilarda kasallikning dastlabki belgilari paydo bo‘lishidan oldin tarqalgan. Bu haqda Guanchjou va Gonkong universitetlari epidemiologlarining tadqiqot natijalarida ma’lum qilindi.

Foto: EPA

Foto: EPA

Olimlar COVID-19 koronavirus infeksiyasi erta bosqichda aniqlangan 94 nafar bemorning tahlil natijalariga tayanib, shu kabi xulosaga kelgan.

Tadqiqot mualliflarining ta’kidlashicha, inson organizmida virus zarralarining maksimal soni kasallikning dastlabki kunida paydo bo‘ladi, tashuvchi sifatidagi xavflilik cho‘qqisi esa belgilar paydo bo‘lishiga 0,7 kun qolganda ma’lum bo‘ladi.

Epidemiologlarning hisoblashicha, virusni yuqtirish holatlarining 44 foizi tashuvchida birinchi alomatlar paydo bo‘lishidan oldin sodir bo‘lgan.

Olimlarning so‘zlariga ko‘ra, tadqiqot natijalaridan COVID-19 koronavirus infeksiyasi tarqalishining oldini olish choralarini yanada takomillashtirish yo‘lida foydalanish mumkin.

Avvalroq koronavirusga chalingan ilk bemor Uxandagi laboratoriya xodimi ekanligi ma’lum qilingandi.

Izoh
Asosiy yangiliklar
Mahalliy
Virtual kartalar nima va ulardan qanday qilib to‘g‘ri foydalanish mumkin?
Dunyo
Twitter ofisida xodimlar uchun karavotlar paydo bo‘ldi, Ilon Mask avvalroq me’yoridan ortiqcha ish bo‘lishi haqida ogohlantirgandi
Mahalliy
Xorazmda ikki kishi is gazidan vafot etdi