Apple компанияси бир неча йилдан бери мунтазам равишда Product Red хайрия кампаниясини ўтказиб келмоқда, деб ёзади Hi-Tech.Mail.ru.
Хайрия кампанияси Apple’нинг қизил рангдаги смартфон ва аксессуарлари савдосидан тушган маблағни ОИTСга қарши курашишга йўналтирарди. Эндиликда ушбу кампания доирасида тўпланган маблағларнинг бир қисми коронавирусга қарши курашишга сарфланади.
30 сентябргача қизил рангдаги iPhone SЕ (2020), iPhone 11, iPhone ХR, қизил ғилофлар, соат бандларидан тушган маблағ коронавирусга қарши курашиш глобал фондига йўналтирилади.
Product Red хайрия кампаниясида Nike ва Starbucks ҳам иштирок этади, бироқ унда Apple’нинг ҳиссаси катта.
Apple маҳсулотларни сотишдан тушган пулнинг қанча қисми хайрияга сарфланишини аниқ айтмади, бироқ 2018 йилда компания қизил смартфон ва аксессуарлар сотишдан 200 миллион доллар даромад кўрган.
Изоҳ (0)