Американинг SpaceX компанияси 60 та сунъий йўлдош ортилган Falcon 9 ракета ташувчисини орбитага чиқаришни камида 1 ҳафтага кечиктиришга қарор қилди. Бу ҳақда Spaceflightnow хабар бермоқда.
Гап Starlink дастури доирасида бутун сайёрани интернет билан таъминлаши зарур бўлган сунъий йўлдошлар ҳақида кетмоқда. Қайд этилишича, Falcon 9 16 апрель куни Флорида штатидаги Канаверал саҳросидан учирилиши тахмин қилинган эди, лекин учириш кейинга қолдирилишининг сабаби кўрсатилмаган.
45-бригада қўмондони генерал Дуглас Шисснинг сўзларига кўра, айни пайтда америкалик ҳарбийлар томонидан коронавирус тарқалишининг олдини олиш бўйича чоралар кўрилмоқда. Бундан ташқари, режалаштирилган космик парвозларнинг қарийб барчаси кечиктирилмоқда.
Маълумот учун, SpaceX Starlink дастури устида ишлашни 2014 йил якунида бошлаган. Дастур орбитадаги сунъий йўлдошлар тармоғидан фойдаланган ҳолда бутун сайёрани интернет билан таъминлаши керак. Умумий ҳисобда 2024 йилга қадар орбитага оғирлиги 100 килограммдан 500 килограммгача бўлган 12 мингта қурилмалар чиқарилиши режалаштирилган.
Изоҳ (0)