Коронавирус пандемияси сабаб дунё бўйлаб деярли барча спорт мусобақалари тўхтатилди. Шу жумладан, футбол бўйича мусобақалар ҳам. «Дарё» мухлисларнинг талаб ва таклифларини инобатга олган ҳолда турли мусобақаларда урилган энг сара голларни тақдим этиб боради. Ушбу лойиҳанинг навбатдаги сонида ФИФА томонидан 2018/19 йилги мавсумнинг энг чиройли голи учун бериладиган «Пушкаш» совринига даъвогарлик қилган голларни эслаймиз.
Фабио Куальярелла, 02.09.2018 | «Сампдория»—«Наполи»
Куальярелла учун 2018/19 йилги мавсум фаолиятидаги энг яхшилардан бири бўлганди. Ўша вақтда 35 ёшни қаршилаб қўйган футболчи мавсум якунларига кўра А Сериянинг энг яхши тўпурари бўлишга эришган. Мазкур баҳсда тажрибали футболчи антиқа голи билан генуяликларнинг «Наполи» устидан сенсацион ғалабасига (3:0) ўз ҳиссасини қўшганди.Лионель Месси, 13.03.2019 | «Бетис»—«Барселона»
Мессининг бенефисига айланган баҳс (1:4). Аргентиналик футболчи 85-дақиқада мана шу шедеврга муаллифлик қилган ва учрашувда ҳет-трикни расмийлаштирганди. Ўта аниқ ҳисоб-китоб билан киритилган тўпга «Бенито Вильямарин» стадиони ҳам олқишлар билан муносиб жавоб қайтарганди.Билли Симпсон, 09.08.2018 | «Сион Свифтс»—«Клифтонвилл»
Шимолий Ирландиянинг аёллар лигаси доирасидаги баҳсда Симпсон кутилмаган ҳолатда чиройли гол муаллифига айланганди. Шимолий Ирландия аёллар терма жамоаси вакилининг мазкур голи эътиборсиз қолмади.Хуан Кинтеро, 10.02.2019 | «Ривер Плейт»—«Расинг»
Жарима зарбаларидан чиройли гол уриш салоҳиятини яхши ўзлаштирган Кинтеродан навбатдаги санъат асари! Хуаннинг мазкур голи «Ривер Плейт»нинг бўлажак чемпион устидан ғалаба қозонишида (2:0) муҳим рол ўйнаганди.Эндрос Таунсенд, 22.12.2018 | «Манчестер Сити»—«Кристал Пэлас»
Таунсенд ижросидаги ажойиб голдан кейин лондонликлар олдинга ўтиб олади ва учрашув якунига қадар ҳисобдаги устунликни сақлаб қолади (3:2). Мазкур баҳс Пеп Гвардиола шогирдларининг ўша мавсумдаги омадсиз даври якунланиши арафаси эди. Январдан бошлаб мавсум охирига нималар бўлганини ўзингиз яхши эсласангиз керак.Ажара Нчут, 20.06.2019 | Камерун—Янги Зеландия
Аёллар ўртасидаги Жаҳон Чемпионатининг гуруҳ босқичида Ажара 96-дақиқада чиройли голга муаллиф бўлган ва жамоасига мусобақадаги ягона ғалабани тақдим қилганди (2:1).Матеус Куня, 06.04.2019 | «Байер»—«Лейпциг»
Зидан услубида ҳимоячини доғда қолдириш ва дарвозабон устидан «парашют»! Матеус бир голда иккита чиройли ҳаракатни амалга оширган ҳолда «буқалар»нинг ғалабали ўйинига чиройли нуқтани қўйганди (4:2).Эми Родригес, 16.06.2019 | «Юта Royalс»—«Скаи Блу»
Тўпни ўз ярим майдонида қабул қилиб олган «Юта» футболчиси Эми Родригес бир нечта рақибни алдаб ўтган ҳолда чиройли гол муаллифига айланганди.Златан Ибрагимович, 15.09.2018 | «Торонто»—«Лос-Анжелес Гэлакси»
Оддий гол уришни билмайдиган Ибрагимович яккакураш усулларини қўллаб тўп киритган ва учрашувдаги интригани қайтарганди. Дастлаб 0:3 ҳисобида ортда бораётган «Гелакси» ҳисобни тенглаштиришга эришади. Бироқ якунда канадаликлар яна иккита тўп киритган ҳолда ғалабани тантана қилади (5:3).Даниэль Жори, 16.02.2019 | «Дебрецен»—«Ференцварош»
Даниэль Жорининг ҳакам томонидан қўшиб берилган вақтда киритган шедевр голи мезбонларга етакчи устидан ғалабани тақдим этганди. Венгрия чемпионатини безаган мазкур гол ФИФА талқинига кўра «Пушкаш» совринига лойиқ кўрилганди.Мавзуга доир:
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)