Дунёга машҳур beIN Sport телеканали Англия Премьер Лигасида сўп сурган энг яхши россиялик футболчилар рейтингини тузиб чиқди.
Рўйхатнинг биринчи поғонасидан «Манчестер Юнайтед» собиқ ярим ҳимоячиси, ҳозирда «Навбаҳор» клуби бош мураббийи Андрей Канчельскис ўрин олди. Канчельскис Англияда шунингдек, «Эвертон», «Манчестер Сити» ва «Саутҳэмптон» жамоаларида ҳам тўп сурган.
Кучли бешлик қуйидагича кўриниш олди:
- Андрей Канчельскис
- Андрей Аршавин («Арсенал»)
- Алексей Смертин («Челси», «Порцмут», «Чарлтон Атлетик», «Фулҳэм»)
- Роман Павлюченко («Тоттенҳэм»)
- Юрий Жирков («Челси»)
Жирков ва Смертин «Челси» билан АПЛ ғолиблигини қўлга киритган. Шунингдек, Юрий ҳисобида битта Англия Кубоги ҳам бор.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)