Ўзбекистон Республикаси жисмоний тарбия ва спорт вазирининг тегишли буйруғи билан янги лавозим тайинлови амалга оширилди, дея маълум қилмоқда вазирлик матбуот хизмати.
Зокир Расулов Жисмоний тарбия ва спорт вазирининг маънавий-маърифий ишлар самарадорлигини ошириш, давлат тили тўғрисидаги қонун ҳужжатларига риоя этилишини таъминлаш масалалари бўйича маслаҳатчи этиб тайинланди.
Зокир Расулов фаолияти давомида «Камолот» ёшлар ижтимоий ҳаракати ва бошқа ташкилотларда Ички назорат ва мониторинг бўлими бошлиғи, Қайта тайёрлаш ва малака ошириш жараёни мониторингини олиб бориш ва сифатини баҳолаш бўлими бошлиғи, вазир ёрдамчиси каби лавозимларда ишлаган.
Унга қонун ҳужжатлари ва дастурларнинг ижросини ташкил этиш ҳамда унга риоя қилишни назорат қилиш, ҳудудлардаги барча ташқи ёзувлар, эълонлар, реклама ва кўргазмали бошқа ахборот матнлари, ташқи реклама материалларининг давлат тили ҳамда реклама тўғрисидаги қонун ҳужжатларига мувофиқ бўлишини таъминлаш ва бошқа бир қатор вазифалар юкалатилади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)