Хитой ҳукумати коронавируснинг келиб чиқиши бўйича тадқиқотлар ҳақидаги маълумотларнинг чоп этилишига чекловлар жорий қилди. CNN’нинг хабар беришича, тегишли кўрсатма Хитойдаги энг катта иккита тадқиқот университетининг сайтларида эълон қилинган. Кейинчалик ушбу саҳифалар ўчириб ташланган, бироқ уларнинг нусхалари сақлаб қолинган.
Кўрсатмага мувофиқ, тадқиқотларнинг натижалари маориф вазирлигининг илмий-техник бўлими ёки Хитой давлат кенгаши ишчи гуруҳи томонидан хулоса олинганидан кейингина эълон қилиниши мумкин. Ушбу хулоса олинганидан сўнг мақолалар илмий журналларга юборилади.
Уханда янги турдаги вируснинг тарқалгани ҳақида 2019 йилнинг 31 декабрида расман эълон қилинган. Январда Хитойда коронавируснинг тарқалиши оқибатида шифокорлар кескин танқид қилинган — улар касалликка тезкор реакция қилмаганликда ва эпидемиянинг дастлабки кунларида унинг тарқалиши бўйича маълумотларни яширганликда айбланган.
Хитойда COVID-19 тарқалишининг юқори босқичи февраль ойида кузатилди, март ойига келиб касаллангалар сони кескин қисқарди — кунига бир неча ўн кишининг коронавирус юқтириб олиши кузатила бошлади. Апрель ўрталарига бориб хориждан қайтаётган фуқаролар ҳисобига коронавирусни юқтириб олиш ҳолатлари яна кўпая бошлади. Бунинг оқибатида Хитой Россия билан қуруқликдаги чегарада чеклов чораларини кўрди.
Изоҳ (0)