2020 йилнинг кузида Apple бир вақтнинг ўзида тўртта янги iPhone тақдимотини ўтказишни режалаштирмоқда. Улардан энг ҳамёнбопи 5,4 дюйм экранга эга, яна иккитаси — 6,1 дюйм ва энг каттаси — 6,7 дюйм экранли.
MacRumors’нинг ёзишича, энг катта iPhone тақдимоти билан муаммолар юзга келиши мумкин, сабаби коронавирус пандемияси туфайли ишлаб чиқариш жараёнини қайта тиклаб бўлмаяпти.
Эҳтиёт қисмларини етказиб беришдаги муаммолар, ходимларнинг изоляцияда эканлиги ва бошқа чекловлар сабабли 6,7 дюймли экранга эга iPhone 12 октябрь ойидан бошлаб сотила бошлайди.
Apple’нинг қолган моделлари сентябрь ойида, тақдимотдан кейин сотувга чиқарилади.
Янги iPhone’лар ҳақидаги асосий маълумотлар ошкор қилинган. Улар 5-нанометрли техножараёнда қурилган янги Apple А14 процессори, OLED-дисплей ва Pro версияси 3D-камерага эга бўлади. Бундай камералар янги iPad Pro’да мавжуд.
Яқин ойларда Apple ҳамёнбоп iPhone SE (2020) смартфонини ҳам тақдим этади. У эскирган iPhone 8 процессори корпуси ва А13 процессорига эга бўлади.
Изоҳ (0)