Samsung ловия кўринишидаги симсиз наушник яратди

Таниқли инсайдер Роланд Квандт Galaxy Buds’нинг Bean («ловия») номи остидаги янги дизайни билан бўлишди, деб хабар беради Hi-Tech.Mail.ru.

Бу каби ном наушникларга унинг шакли сабаб берилган — улар ростдан ҳам ловияга ўхшайди. Наушниклар корпуси қулоқ чиғаноғи шаклида бўлиб, у қулоққа тўлиқ жойлашади. Уни таққан ҳолда ухлаш ҳам мумкин, бунда фойдаланувчи ноқулайлик сезмайди.

Шу билан бирга, наушниклар очиқ шаклга эга — уларнинг силиконли уч қисми йўқ бўлиб, канални буткул ёпади. Қулоқда ишончли туриши, масалан, машғулотлар пайтида тушиб кетиш ёки кетмаслиги номаълум. Шунингдек, бу турдаги наушниклар бир марта қувватланиш орқали қанча вақт ишлай олиши ҳам аниқ эмас. Инсайдернинг таъкидлашича, корпуснинг узунлиги 2,5 сантиметрга тенг бўлиб, аккумулятор учун жуда кам жой қолган.