2019 йилда Qualcomm компанияси ўзининг процессорлари 192 мегапикселгача бўлган мобил камераларни қўллаб-қувватлай олишини маълум қилганди. Қачондир, бу каби пикселлар лоф бўлиб туюлган бўлиши мумкин, бироқ 108 мегапикселли камера пайдо бўлгач ҳаммаси вақтга боғлиқ бўлиб қолди, деб хабар беради Hi-Tech.Mail.ru.
Gizmochina ўзининг хитойлик инсайдерига таяниб маълум қилишича, май ойида 192 мегапиксел камерага эга смартфон тақдим этилиши кутилмоқда. Қурилма Snapdragon 765 процессори базасида ишлайди, бу эса номи ошкор қилинмаган гаджет ҳақида бир қатор саволларни юзага келтиради.
Чип чиндан ҳам 192 мегапикселли камера орқали суратга олиш имкониятини тақдим эта олади, бироқ кўплаб муҳим функциялар, масалан, HDR бу каби юқори пикселлар сонида нормал ишлай олиши номаълум. Бундан ташқари, сенсор смартфон учун қанчалик оптималлаштирилган бўлиши ҳам аниқ эмас.
Ишлаб чиқарувчи рекорд камерага эга девайсни қандай ишлаб чиқаришига аниқлик киритилмаган. Шу сабабли бу каби миш-мишларга ишониб қолмаслик керак.
Мавзуга доир: Xiaomi ҳамма ёғи экрандан иборат смартфонни намойиш этди. Унинг пулига тўртта iPhone беради
Изоҳ (0)