Чехияда «ВАЗ-21011» автомобилини ижарага олиш таклиф этилмоқда. Бироқ «Жигули» ижараси жуда қиммат туради — бизнес-классга эга автомобилнинг нархи каби. Таъкидланишича, автомобилнинг ижараси 6 минг рублга (78 доллар) тўғри келмоқда, деб хабар беради Motor.
Hotelnakolech маҳаллий ижара компаниясининг маълум қилишича, «Жигули»да йўловчи сифатида ҳаракатланиш 1799 чех кронасига (71 доллар) тенг.
«ВАЗ-21011»га 69 от кучига эга 1,3 литрли двигатель ўрнатилган. Классик «ВАЗ-2101»дан фарқи моделнинг радиатор панжараси модификацияга учраган. Бамперларидан «қанотлар» олиб ташланган, атрофи бўйлаб эса резина накладка қўшилган. Бундан ташқари, модел уч турдаги фонарларга эга ва ўриндиқлари ҳам анча қулай ишланган.
«ВАЗ-21011» модели «АвтоВАЗ» томонидан 1974—1983 йиллар ишлаб чиқарилган «ВАЗ-2101»нинг биринчи ва сўнгги модификацияси ҳисобланади. Айнан ушбу модел Волжск автозаводи конвейридан чиққан икки миллионингчи автомобилга айланган.
Изоҳ (0)