АҚШлик фойдаланувчилар коронавирус пандемияси ва карантин чоралари сабаб интернетдан фойдаланиш соҳасидаги ўз кўникмаларини ўзгартиришга мажбур бўлмоқда, деб ёзади TheNew York Times.
Изоляция сабаб кўплаб инсонлар яқинлари билан алоқада қолиш, ўқиш, ишлаш ва мароқли дам олиш учун электрон қурилмалардан фаол фойдаланишга ўтган, бироқ смартфон экрани орқали контент «истеъмол қилиш» ҳажми деярли ўзгармаган.
Бироқ сайтларни десктоп баузерлар орқали кўриш кескин ошган — бу уйда ўтирган инсонлар шахсий компьютер ва ноутбукларидан кўпроқ фойдаланаётганини кўрсатади.
Шунда қилиб, январь март ойларида Facebook’нинг веб-версиясига кириш 27 фоизга, Netflix 16 фоиз, YouTube эса 15,3 фоизга ошган.
Мавзуга доир: Zoom видеоконференция сервисининг кунлик фойдаланувчилари сони 200 млн кишидан ошиб кетди
Америкада ижтимоий масофаланиш сабаб одамлар яқинлари билан учраша олмаяпти, шунга қарамай, улар видеоконференция хизматларини тақдим этувчи сервислардан фойдаланишга ўтди. Хусусан, Google Duo дастурининг машҳурлиги 12,4 фоизга, Nextdoor сайти 73,3 фоизга, Houseparty эса 79,4 фоизга ошган.
Бундан ташқари, таълим ва иш жараёнларида ёрдам берувчи Zoom, Google Classroom, Google Hangouts ва Microsoft Team аудиторияси ҳам кескин кўпайган.
NYT’нинг ёзишича, Washington Post, CNBC, Fox News каби ишончли бўлган йирик янгилик порталларига ташрифлар ҳам ошган.Спорт ресурслари эса оғир дамларни бошдан кечирмоқда. Деярли барча йирик турнир ва мусобақалар бекор қилингани сабаб ESPN телеканали сайтининг аудиторияси 40,2 фоизга тушиб кетган. Одамлар спорт ўрнига киберспортга кўпроқ эътибор қаратмоқда — пандемия вақтида Twitch видеоплатформасининг машҳурлиги 19,7 фоизга кўтарилган.
Шунингдек, TikTok каби мобил дастурлар ҳам сезиларли даражада ўсган — 15,4 фоизга.
Изоҳ (0)