Россиянинг «АльфаСтрохование» компанияси 2019 йилда автомобиль ўғрилари томонидан энг кўп қизиқиш билдирилган машиналар рейтингини эълон қилди, деб хабар беради «Авторамблер».
2019 йил якунлари бўйича рейтингдаги «талабгир» моделлар кетма-кетлиги бироз ўзгарган — рўйхатдан Mazda CX-5, Kia Optima ва Hyundai Solaris тушиб қолган. Ҳозирда автомобиль ўғрилари ораси энг машҳур модел — Camry седани. Иккинчи ўринда Lexus LX йўлтанламаси, ундан кейин эса — Toyota Land Cruiser. 2018 йилда Топ-10 рўйхатдан олтида япон автомобили ўрин олган бўлса, 2019 йилда уларнинг сони еттитага етган.
Машиналар асосан кечаси турар жой биноларининг автотураргоҳларидан, кундузи эса савдо марказларидан ўғирлаб кетилади. Ўғрилар орасида кенг тарқалган усул — эшикни ёки ўт олдиргични бузиб очиш. Салонга кириш учун автомобиль ўғрилари кўпинча эшик ойнасини синдиради.
2019 йил ҳолати бўйича Москва ва Москва вилоятида энг кўп ўғирланган («АльфаСтрахование»да суғурталанган) автомобиллар рейтинги:
- Toyota Camry
- Lexus LX
- Toyota Land Cruiser
- Toyota Land Cruiser Prado
- Toyota RAV4
- Hyundai Santa Fe
- Lexus NX
- Kia Rio
- Lexus RX
- BMW 5 Series
Изоҳ (0)