Rossiyaning “AlfaStroxovaniye” kompaniyasi 2019-yilda avtomobil o‘g‘rilari tomonidan eng ko‘p qiziqish bildirilgan mashinalar reytingini e’lon qildi, deb xabar beradi “Avtorambler”.
2019-yil yakunlari bo‘yicha reytingdagi “talabgir” modellar ketma-ketligi biroz o‘zgargan — ro‘yxatdan Mazda CX-5, Kia Optima va Hyundai Solaris tushib qolgan. Hozirda avtomobil o‘g‘rilari orasi eng mashhur model — Camry sedani. Ikkinchi o‘rinda Lexus LX yo‘ltanlamasi, undan keyin esa — Toyota Land Cruiser. 2018-yilda Top-10 ro‘yxatdan oltida yapon avtomobili o‘rin olgan bo‘lsa, 2019-yilda ularning soni yettitaga yetgan.
Mashinalar asosan kechasi turar joy binolarining avtoturargohlaridan, kunduzi esa savdo markazlaridan o‘g‘irlab ketiladi. O‘g‘rilar orasida keng tarqalgan usul — eshikni yoki o‘t oldirgichni buzib ochish. Salonga kirish uchun avtomobil o‘g‘rilari ko‘pincha eshik oynasini sindiradi.
2019-yil holati bo‘yicha Moskva va Moskva viloyatida eng ko‘p o‘g‘irlangan (“AlfaStraxovaniye”da sug‘urtalangan) avtomobillar reytingi:
- Toyota Camry
- Lexus LX
- Toyota Land Cruiser
- Toyota Land Cruiser Prado
- Toyota RAV4
- Hyundai Santa Fe
- Lexus NX
- Kia Rio
- Lexus RX
- BMW 5 Series
Izoh (0)