«Осмондаги болалар»да «Эммануэль» фильмини томоша қилиш жараёни қандай суратга олинган? (видео)

Режиссёр Зулфиқор Мусоқовнинг «Осмондаги болалар» фильмидаги Хуршид роли билан машҳурликка эришган актёр Даврон Ғуломов «Дарё» интернет-нашрига эксклюзив интервью берди. Интервьюни журналист Феруз Муҳаммад ташкиллаштирди.

Даврон Ғуломов суҳбат давомида «Осмондаги болалар» фильмидаги «Эммануэль» 18+ эпизодининг суратга олиниши билан боғлиқ қизиқарли жараён ҳақида гапириб берди.

‘Осмондаги болалар’ фильмидаги ўша эпизодни ‘Эммануэль’ фильмини томоша қилиб суратга олмаганмиз. Биз у ерда ‘Том ва Жерри’ мультфильмини кўриб, ‘Эммануэль’ фильмини кўргандек таассурот чиқариб берганмиз.

Ўша таассуротни чиқариб беришнинг ўзи ҳам мураккаб бўлган. Ўша фильмни кўрмасангиз, унақа ҳолатни чиқариб бериш мушкул, аммо жамоамиз ҳамжиҳат бўлгани учун ишонарли эпизод чиққан.

Режиссёримиз Зулфиқор Мусоқов ҳам ўзимизга қўйиб берганлар, ‘мана ўйнанглар, сизлар шунақа фильмни кўрганларингизда қанақа бўларди’, деганларида, ҳаммамиз ўзимизча тасаввур қилиб ўйнаб беришга ҳаракат қилганмиз.

Даврон Ғуломов, актёр, тадбиркор