Британиялик 47 ёшли актёр Идрис Эльба коронавирусдан соғайди. Унда коронавируснинг симптомлари умуман кузатилмаяпти. Актёр бу ҳақда Twitter’даги саҳифасида маълум қилди.
Актёр янги фильмда суратга тушиш учун АҚШнинг Нью-Мексико штатига келганида касалликни юқтириб олган эди. Эльбадан алоҳида яшашни истамаган рафиқаси 30 ёшли Сабринада ҳам коронавирус аниқланган.
Эльба ва рафиқаси коронавирусдан тузалганидан сўнг ўзини яхши ҳис этмоқда. Актёр «энг ёмон давр ортда қолганини» ёзиб қолдирди.
Актёрнинг қўшимча қилишича, рафиқаси билан карантин даврини ўтказган бўлса-да, тўлиқ соғаймагунча уйларига учиб кета олмайди.
Эльба, шунингдек, астмадан азият чекади. Айнан шу касаллик актёрни коронавирус туфайли саломатлигига янада эътиборли бўлишга ундамоқда.
My peeps👊🏾.. pic.twitter.com/gqea4S3zKD
— Idris Elba (@idriselba) March 31, 2020
«Тор» фильмидаги ижроси билан шуҳрат қозонган Идрис Эльбада коронавирус аниқлангани ҳақида 17 март куни хабар берилган эди.
Мавзуга доир: Коронавирус юқтириб олган машҳурлар (фото)
Изоҳ (0)