«Гарри Поттер» ҳақидаги китоблар муаллифи, 54 ёшли британиялик ёзувчи Жоан Роулинг коронавирусдан соғайганини маълум қилди, деб ёзади Cosmopolitan.
Жоаннинг айтишича, коронавирусга тест топширмаган, бироқ унда касалликнинг барча аломатлари кузатилган. Роулинг икки ҳафта деганда соғайган. Унга 48 ёшли турмуш ўртоғи, шифокор Нейл Мюррей тавсия қилган нафас олиш техникаси ёрдам берган.
Ёзувчининг айтишича, оғриқларни нафас олиш давомида бартараф қилган. Муолажа беш марта чуқур нафас олишни ўз ичига олади. Ҳар нафас олганда беш сония давомида нафасни ушлаб туриш талаб этилади. Олтинчи марта нафас олганда яхшилаб йўталиб олиш, ундан кейин эса амалиётни яна икки марта қайтариш зарур.
Мухлислари Жоаннинг аҳволидан хавотирланган.
«Тан олишим керак, постни ўқий бошлашим билан қўрқиб кетдим», «Аҳволингиз яхшилигидан хурсандман», «Асосийси, энди ўзингизни яхши ҳис этяпсиз», — деб Twitter’да изоҳ қолдирган ёзувчининг мухлислари.
Уларга жавобан Роулинг ҳозир ўзини анча яхши ҳис этаётганини ёзган.
Изоҳ (0)