Disney премьералар жадвалини янгилади. «Қора бева» ноябрда, «Мулан» июлда намойиш этилади

Disney студияси коронавирус пандемияси сабаб ўзининг премьералар жадвалини ўзгартиришга мажбур бўлди. «Қора бева» 2020 йилнинг 6 ноябрь куни намойиш этилади. «Мулан» эса 9 март ўрнига 24 июль куни катта экранларга чиқади, деб хабар берди «КиноПоиск».

Кўплаб кўчиришлар сабаб студиянинг премьералар жадвали ўзгариб кетди. Эндиликда унинг кўриниши қуйидагича:

• «Мулан» — 24 июль;
• «Франциялик диспетчер» — 16 октябрь;
• «Қора бева» — 6 ноябрь
• «Бош қаҳрамон» — 11 декабрь;
• «Абадийлар» — 2021 йил 12 февраль;
• «Шан-Чи ва ўн узук афсонаси» — 2021 йил 7 май;
• «Жунгли бўйлаб саёҳат» — 2021 йил 31 июль;
• «Доктор Стрэнж ва ақлсизлик мульти-олами» — 2021 йил 5 ноябрь;
• «Тор: Севги ва яшин» — 2022 йил 18 февраль;
• «Қора пантера 2» — 2022 йил 8 май;
• «Капитан Марвел 2» — 2022 йил 8 июль;
• «Индиана Жонс 5» — 2022 йил 29 июль.