«Тоттенҳэм» ҳужумчиси Сон Ҳён Мин Жанубий Кореяда ҳарбий тайёргарликдан ўтади. Бу ҳақда лондонликлар клуби расмий сайти маълум қилди.
Тайёргарлик тўрт ҳафта давом этади. Футболчи Лондонга май ойида қайтиши кутилмоқда. Англия чемпионати май ойидан давом эттириладиган бўлса, кореялик футболчи жамоасининг бир нечта ўйинида иштирок этолмаслиги мумкин.
Жанубий Корея қонунларига кўра, эркаклар 28 ёшга қадар 21 ойлик ҳарбий хизматни ўташи керак. 2018 йилда Сон Жанубий Корея терма жамоаси билан Осиё ўйинларида ғолибликни қўлга киритган ва бунинг эвазига ҳарбий хизматдан озод этилганди. Бироқ футболчи қисқартирилган ҳарбий тайёргалик жараёнидан ўтиши керак.
Мавзуга доир: Ўзбекистон ОТЖ аламли тарзда Жанубий Кореяга мағлуб бўлиб, Осиё ўйинларидаги иштирокини тўхтатди
Сон Ҳён Мин Премьер Лига жорий мавсумида 21 ўйин ўтказиб, 9 гол ва саккизта самарали узатмага муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)