«Реал», «Атлетико» ва «Барселона» клубларининг собиқ бош мураббийи Радомир Антич 71 ёшида вафот этди. Бу ҳақда «Атлетико» матбуот хизмати маълум қилди.
Сербиялик мутахассиснинг ўлимига нима сабаб бўлгани маълум қилинмаган.
«Спорт оиласи жамоанинг афсонавий мураббийларидан бири Радомир Античнинг ўлимидан чуқур қайғуга ботди. Сиз умрбод қалбимизда қоласиз», — дейилади «Атлетико» хабарида.
Антич «Реал», «Атлетико» ва «Барселона» жамоаларида бош мураббийлик қилган ягона мутахассис ҳисобланади. Сербиялик мураббий қўл остида «Атлетико» 1995/96 йилги мавсумда Испания чемпионлигини қўлга киритган, 1996 йилда эса мамлакат Кубогига эга чиққан. Футболчилик фаолияти мобайнида Антич «Партизан», «Фенербаҳче» ва «Сарагоса» клубларида тўп сурган.
Мавзуга доир: «Реал»нинг афсонавий ҳимоячиси Бенито вафот этди
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)