Ўзбекистон Республикаси Жисмоний тарбия ва спорт вазирлиги БМТнинг Наркотиклар ва жиноятга қарши кураш бошқармаси ҳамкорлигида «6 апрель – Тараққиёт ва тинчлик йўлида Халқаро спорт куни» муносабати билан ўзбекистонликлар орасида уй шароитида жисмоний тарбия ва спорт билан фаол шуғулланишни кенг тарғиб этиш мақсадида ўзига хос саломатлик акциясини эълон қилди.
#уйдақол! #ҳаётгакўшил! челленжида қатнашиш орқали қимматбаҳо совғаларни ютиб олиш имконияти пайдо бўлади.
Танловда қатнашиш шартлари:
1) карантинда уйда қолиб оила аъзоларингиз билан бирга бадантарбия ва спорт машқларини бажаринг ҳамда уни видеога олган ҳолда ўзингизнинг ижтимоий тармоқлардаги саҳифаларингиз (Facebook, Instagram)га жойланг;
2) Ушбу видеони Жисмоний тарбия ва спорт вазирлигининг ижтимоий тармоқлардаги расмий саҳифалари (facebook.com/www.sport.uz, instagram.com/minsportuz)га улашинг.
Вазирлик расмий саҳифаларида бу хабар билан бўлишади.
Видеороликларни баҳолашда қуйидагиларга эътибор қаратилади:
тақдим этилган видеороликда танлов иштирокчиси ёки унинг оила аъзолари уй шароитида спорт билан шуғулланиш жараёни акс этганлиги;
уйда спорт билан шуғулланиш жараёнига креатив ёндашуви;
видеороликнинг сифати;
иштирокчи(лар)нинг уйда қолиб спорт билан шуғулланишга даъват этган (чақириқ) бўлиши;
видеороликлар 2 дақиқадан ошмаслиги.
Челленж жорий йилнинг 6—26 апрель кунлари оралиғида ўтказилади. Ҳар тўртинчи кунда челленжнинг уч кунлик ғолиблари аниқланиб, тақдирлаб борилади.
Изоҳ (0)