Германия ҳукумати кичик ва ўрта бизнес учун тезкор кредитлар бериш дастурини тасдиқлади ҳамда бу орқали коронавирус инфекцияси эпидемияси шароитида бозорда талаб камайган вақтда компанияларни қўллаб-қувватламоқчи. Бу ҳақда Reuters хабар берган.
Маҳаллий компаниялар дастур доирасида давлат томонидан 100 фоиз таъминлаб бериладиган кредитлар олиши мумкин. Қарзнинг миқдори компанияларда ишлайдиган ходимлар сонига боғлиқ. 11 нафардан 50 нафаргача ходими бўлган корхоналар 500 минг еврогача кредит олса, ходимларининг сони 50 нафардан 250 нафаргача бўлган компанияга 800 минг еврогача миқдорда қарз берилади.
Мавзуга доир: Германиянинг 36 профессионал футбол клубидан 13 таси коронавирус сабаб банкрот бўлиш арафасида турибди
Германияда коронавирус юқтириб олиш ҳолати 100 минг нафардан кўпроқ одамларда кузатилган, шундан 1600 нафари касаллик оқибатида вафот этган, 28 минг нафарга яқин киши COVID-19’дан тузалган. Ҳукумат қарорига кўра, хориждан келган ҳар бир мамлакат фуқароси зудлик билан карантинга юборилади.
Изоҳ (0)