Туркиялик олимлар ҳайвонлар танасида COVID-19 коронавирус инфекциясига қарши вакцинани муваффақиятли синовдан ўтказди. Бу ҳақда Анқарадаги Хажеттепе университети профессори Атеш Кара Twitter’да маълум қилган.
Олимнинг сўзларига кўра, вакцина микроигналар ёрдамида лейкопластирда ҳайвонларга юборилган. Эмлаш курашувчи таначалар ишлаб чиқиш бўйича иммун жавоб қайтарган.
«Энди ушбу вакцинанинг одамларни ҳам ҳимоя қилиш ёки қила олмаслигини текшириш керак», — деб ёзган профессор.
Мавзуга доир:
- АҚШда коронавирусни безгакка қарши дорилар билан даволашга рухсат берилди
- Johnson & Johnson компанияси 2020 йилнинг сентябрида коронавирусга қарши вакцинанинг одамлардаги синовини бошлайди
- Россияда коронавирусга қарши кураш учун 3 турдаги дори ишлаб чиқилгани маълум қилинди
- COVID-19 коронавирусининг вакциналари қайси давлатларда ишлаб чиқилмоқда ва қачон пайдо бўлади?
Туркия ҳукумати коронавирус тарқалишининг олдини олиш учун 28 март куни халқаро авиақатновларни муайян муддатга тўхтатган. Шаҳарлараро қатновлар ҳам фақат ҳукумат рухсат берган ҳолатлар бўйича амалга оширилиши мумкин. Эпидемия туфайли мамлакатдаги туристик мавсум очилиши бекор қилинган.
Туркияда 3 апрелдан бошлаб транспортларнинг мамлакат ҳудудига кириши ва чиқишига тақиқ қўйилган. Ушбу чеклов чоралари 30 та катта шаҳарлар ва Зонгулдак вилоятига тааллуқли. Туркия президенти Ражаб Тоййиб Эрдўғон ушбу муддатнинг заруратга кўра яна узайтирилиши мумкинлигини ҳам қайд этган. Бундан ташқари 20 ёшдан кичик аҳоли вакилларининг кўчага чиқиши тақиқланган, фуқароларнинг жамоат жойларида тиббий ниқобларда юриши ва ўзаро масофани сақлаб ҳаракатланиши мажбурий деб белгилаб қўйилган.
Изоҳ (0)