Қозоғистонда коронавирус пандемияси сабаб уйда ўтирган кам таъминланган оилалар, норасмий ишловчи фуқаролар, аҳолининг ёрдамга муҳтож қатлами учун жорий этилган 42 500 тенге миқдоридаги ижтимоий ёрдам учун ариза беришнинг янги — электрон рақамли имзо талаб қилмайдиган усули яратилди. Бу ҳақда «Coronavirus.kz» хабар берган.
eGov сайтида SMS орқали рўйхатдан ўтиш мумкин бўлган алоҳида сўров сервиси ишга туширилган.
Фуқаролар тизимга кириш вақтида бир марталик парол бандини танлаб, СТИР ҳамда ўз телефон рақамини териб ариза бериши мумкин. SMS орқали юборилган рақамларни териб, бошқа маълумотларни киритгач сўровни қайта ишлашга юбориш лозим. Битта ариза уч кун давомида кўриб чиқилади.
Мавзуга доир: Қозоғистонлик журналист карантин туфайли жонли эфирда севган қизининг қўлини сўради (видео)
Фавқулодда вазият даврида аҳоли ҳар ойда ёрдам пули олишни бошлайди. Бу кўмак 3 миллион нафардан зиёд фуқарога берилиши кўзда тутилган.
Вақтинча ишсиз қолган ва даромад тушумини йўқотган кишилар «egov.kz» портали орқали ариза тақдим қилиши мумкин.
Қозоғистонда 5 апрель ҳолатига кўра, коронавирус билан касалланганлар сони 584 нафарга етган.
Изоҳ (0)