Turkiyalik olimlar hayvonlar tanasida COVID-19 koronavirus infeksiyasiga qarshi vaksinani muvaffaqiyatli sinovdan o‘tkazdi. Bu haqda Anqaradagi Xajettepe universiteti professori Atesh Kara Twitter’da ma’lum qilgan.
Olimning so‘zlariga ko‘ra, vaksina mikroignalar yordamida leykoplastirda hayvonlarga yuborilgan. Emlash kurashuvchi tanachalar ishlab chiqish bo‘yicha immun javob qaytargan.
“Endi ushbu vaksinaning odamlarni ham himoya qilish yoki qila olmasligini tekshirish kerak”, — deb yozgan professor.
Mavzuga doir:
- AQShda koronavirusni bezgakka qarshi dorilar bilan davolashga ruxsat berildi
- Johnson & Johnson kompaniyasi 2020-yilning sentabrida koronavirusga qarshi vaksinaning odamlardagi sinovini boshlaydi
- Rossiyada koronavirusga qarshi kurash uchun 3 turdagi dori ishlab chiqilgani ma’lum qilindi
- COVID-19 koronavirusining vaksinalari qaysi davlatlarda ishlab chiqilmoqda va qachon paydo bo‘ladi?
Turkiya hukumati koronavirus tarqalishining oldini olish uchun 28-mart kuni xalqaro aviaqatnovlarni muayyan muddatga to‘xtatgan. Shaharlararo qatnovlar ham faqat hukumat ruxsat bergan holatlar bo‘yicha amalga oshirilishi mumkin. Epidemiya tufayli mamlakatdagi turistik mavsum ochilishi bekor qilingan.
Turkiyada 3-apreldan boshlab transportlarning mamlakat hududiga kirishi va chiqishiga taqiq qo‘yilgan. Ushbu cheklov choralari 30 ta katta shaharlar va Zonguldak viloyatiga taalluqli. Turkiya prezidenti Rajab Toyyib Erdo‘g‘on ushbu muddatning zaruratga ko‘ra yana uzaytirilishi mumkinligini ham qayd etgan. Bundan tashqari 20 yoshdan kichik aholi vakillarining ko‘chaga chiqishi taqiqlangan, fuqarolarning jamoat joylarida tibbiy niqoblarda yurishi va o‘zaro masofani saqlab harakatlanishi majburiy deb belgilab qo‘yilgan.
Izoh (0)