Росатом коронавирус пандемияси сабаб хориждаги атом электр станциялари қурилишини тугатиш ва уларни топшириш бўйича қийинчиликларга тайёрлиги, бироқ корпорацияда ҳозирча бу борада муаммолар йўқлигини билдирган. Бу ҳақда корпорация раҳбари Алексей Лихачёвнинг «Россия-24» телеканалига берган интервьюсига таяниб, «ТАСС» хабар қилган.
«Лойиҳалар белгиланга режа бўйича кетмоқда. 2020 йилда қурилишлардаги режаларда жиддий ўзгаришларга сабаб бўладиган муаммолар ҳозирча кўзга ташланмаяпти. Қайсидир давлатдаги вазият ўзгариши борасида олдиндан тахмин қила олмаймиз. Қийинчиликларни енгиб ўтишга тайёрмиз, бунга тайёргарлик кўрганмиз, лекин ҳозирда ўз режаларимиз бўйича кетяпмиз», – деган Росатом раҳбари.
Лихачёвнинг сўзларига кўра, Хитой халқ республикасидаги объектларнинг бирида «Сюдапу» ва «Тяньвань» атом электрстанцияларини қуриш бўйича ишларни олиб бораётганди. У ер тўлиқ изоляция қилинганидан кейин коронавирус юқтириш бўйича бирорта ҳам ҳолат қайд этилмаган. Туркиядаги «Аккую» АЭС қурилишида эса вилоятдаги каби сокин ҳаёт давом этмоқда. Росатом раҳбарига кўра, ҳозир Беларус ҳудудидаги АЭС қурилишида хавотирлар мавжуд.
«Айни вақтда одамлар сони ва кундан кунга янада кўпроқ меҳнат талаб қилаётган қурилиш ишлари Беларусда ўтказилмоқда, у ерда Островецкий атом станциясининг биринчи ишга тушириш блоки деярли тайёр. Беларуслик ҳамкорлар билан муаммо йўқ», – деган Лихачёв.
Росатомнинг хориждаги портфелиРосатом корпорацияси хорижда жами 36 та блокда бўйича турли даражада ва ҳолатдаги қурилиш ишлари ташкил этган.
Март охирида «Росатом» давлат корпорацияси чет эл мамлакатларидаги эпидемиологик вазиятга қарамай атом энергетикаси бўйича лойиҳаларни амалга оширишни хорижда давом эттириши ва бунда ўша давлатлар санитар-эпидемиологик хизматлари билан ҳамкорлик қилинишини билдирган. Росатом қурилиш кетаётган ҳудудларда заруратга кўра карантин ва бошқа тегишли тадбирларни амалга оширишга тайёрлигини билдирган.
1 апрелда Лихачёв давлат корпорациясининг хориждаги қурилиш майдончаларидаги россиялик қурувчиларни мамлакатга қайтариш устида иш олиб бораётганини маълум қилганди.
Мавзуга доир:
Изоҳ (0)