Qirolicha Yelizaveta II Buyuk Britaniya va Hamdo‘stlik davlatlari aholisiga televideniye orqali murojaat yo‘lladi, deb xabar beradi BBC.
Qirolicha Milliy sog‘liqni saqlash tizimida (NHS) ishlayotgan barchaga minnatdorchilik bildirgan. “Sizning har bir mashaqqatli ish soatingiz bizni oldingi odatiy davrlarga yaqinlashtirmoqda”, — deydi qirolicha.
Shuningdek, Yelizaveta II koronavirus tarqalishining oldini olish yo‘lida hukumat talablarini bajarib, uyda qolayotgan aholiga rahmat yo‘lladi: “Birgalikda ushbu kasallikka qarshi kurashmoqdamiz va sizlarni ishontirib aytamanki, birligimiz va qat’iyatimizni saqlab qolsak, buni yengib o‘tamiz”.
Qirolicha mamlakatning barcha aholisi haqida kelajakda ular “britaniyaliklarining ushbu avlodi qolganlari kabi kuchli edilar” deya eslashlarini istashini bildirgan.
“Kimligimiz bilan faxrlanish bizning o‘tmishimiz emas, balki hozirimiz va kelajagimizni belgilaydi”, — deydi Yelizaveta II.
“Hali hali ko‘p narsalarni boshdan kechirishga to‘g‘ri kelishiga qaramay, yaxshi kunlar qaytib kelishi bizga tasalli berishi kerak: biz yana do‘stlarimiz bilan, oilalarimiz bilan birga bo‘lamiz, yana uchrashamiz”, — deydi qirolicha Buyuk Britaniya va Hamdo‘stlik mamlakatlari aholisiga yo‘llagan murojaatida.
Avvalroq Buyuk Britaniya qirolichasi Yelizavetta II ning to‘ng‘ich o‘g‘li, 71 yoshli Uels shahzodasi Charlzda koronavirus aniqlangani, shuningdek, Buyuk Britaniya bosh vaziri Boris Jonson koronavirusga chalingani hamda Buyuk Britaniya hukumati a’zolariga koronavirus yuqtirgan eng birinchi bemorning kimligi ma’lum bo‘lgan edi.
Izoh (0)