Коронавируснинг кириб келиши ва тарқалишини олдини олиш юзасидан чора-тадбирлар дастурини тайёрлаш бўйича Республика махсус комиссиясининг 4 апрелдаги йиғилишида бир қатор қўшимча чора-тадбирлар белгиланди.
Унга кўра, истисно тариқасида ички ишлар органлари йўл-патрул хизмати ходимлари томонидан карантин даврида автотранспорт воситасини махсус рухсатномасиз бошқарганлик учун транспорт воситаси жарима майдончасига жойлаштириш йўли билан ушлаб турилади.
Қайд этишларича, ушбу янги тартиб «карантин талаблари ижросини сўзсиз таъминлаш ҳамда махсус рухсатномаси мавжуд бўлмаган ҳолда ҳаракатланаётган автотранспорт воситалари томонидан ҳуқуқбузарлик давом эттирилишига йўл қўймаслик мақсадида» жорий этилмоқда.
Мавзуга доир:
4 апрель куни Давлат хизматлари агентлиги автомобиллар ҳаракатланиши учун махсус рухсатномалар олиш бўйича аризалар қабули 6 апрель соат 18:00 гача тўхтатилганини эълон қилди. Маълумотларга кўра, 4 апрель 17:00 ҳолатига кўра махсус рухсатнома олиш учун 165 мингдан ортиқ ариза келиб тушган.
Аризалар асосида Ўзбекистон бўйича 23 546 та рухсатнома берилган, 81 241 та ариза рад этилган, 10 004 та ариза эса ариза берувчилар томонидан қайтариб олинган. Уларнинг аксарияти ДХА раҳбарининг «доставка»чи айланган «иномаркалар» эгаларига очиқ мурожаатидан сўнг қайтариб олинди.
Айни вақтда озиқ-овқат етказиб бериш («доставка»)га ихтисослашган компаниялар махсус рухсатномаларни олишда қийинчиликка дуч келаётганини маълум қилган эди. Эслатиб ўтамиз, Ўзбекистонда карантин даври қачон тугаши номаълум.
Изоҳ (0)