Koronavirusning kirib kelishi va tarqalishini oldini olish yuzasidan chora-tadbirlar dasturini tayyorlash bo‘yicha Respublika maxsus komissiyasining 4-apreldagi yig‘ilishida bir qator qo‘shimcha chora-tadbirlar belgilandi.
Unga ko‘ra, 6-aprel soat 6:00 dan e’tiboran Toshkent va Nukus shaharlari hamda viloyat markazlarida mototransport (skuter) hamda velosipedda harakatlanish karantin davrida vaqtincha cheklanadi.
“Bunda faqatgina hayotiy zarur ehtiyojlar — oziq-ovqat, dori-darmon, tibbiy buyum va vositalar xarid qilish, shifokor ko‘rigiga murojaat etish, shuningdek, ish joyiga borish va kelish uchun ruxsat etiladi”, — deyiladi Respublika maxsus komissiyasi axborotida.
Mavzuga doir:
- O‘zbekistonning yirik shaharlarida “o‘zini yakkalash” tartibi 6-apreldan majburiy joriy etiladi
- O‘zbekistonda 6-apreldan boshlab tana harorati 37 daraja va undan yuqori bo‘lganlar bozor va supermarketlarga kiritilmaydi
- O‘zbekistonda ruxsatnomasiz harakatlanayotgan avtomobillar karantin oxirigacha jarima maydonchasiga joylashtiriladi
Avvalroq, 4-aprel kuni ijtimoiy tarmoqlarda O‘zbekistonda mototransport vositalari va velosipedlarda harakatlanish taqiqlanishi mumkinligi haqida xabarlar tarqalgan, biroq keyinroq Ichki ishlar vazirligi va boshqa idoralar tomonidan bu rad etilgan edi.
Mavzuga doir:
Ma’lumot uchun, O‘zbekistonda karantinning qachon tugashi noma’lum — karantin davrini tugatish Respublika maxsus komissiyasi qaroriga ko‘ra amalga oshiriladi.
