Xiaomi’нинг навбатдаги флагманларидан бирига рекорд даражадаги — 144 мегапикселли камера ўрнатилади. Бу ҳақда инсайдер Судханшу Амбхорега таяниб, Hi-Tech.Mail.ru хабар берди.
Қурилма ҳақида ҳозирча аниқ маълумотлар мавжуд эмас. Блогернинг тахминларига кўра, инновацион камерага эга гаджетга Xiaomi Mi 10S Pro ёки Xiaomi Mi CC10 Pro флагманларидан бири айланиши мумкин. Янги авлод мобил камералари устида ким иш олиб бораётганига ҳам аниқлик киритилмаган.
2019 йилда Xiaomi 108 мегапикселли камерага эга смартфон — Xiaomi Mi CC10 Pro’ни тақдим этган илк компанияга айланган эди. Ушбу модель жаҳон бозорида Mi Note 10 номи остида сотувга чиққан. Қурилмага Samsung ISOCELL Bright HMX датчиги ўрнатилган. Бир неча кун олдин компания ушбу гаджет 5G алоқа тармоғини қўллаб-қувватламагани учун унинг савдосини тўхтатди.
Изоҳ (0)