Таниқли таҳлилчи Жон Проссер ўзининг Twitter’даги саҳифаси орқали яқин орада тақдим этилиши кутилаётган iPhone 9’га оид айрим маълумотлар билан бўлишди, деб хабар беради «Rozetked».
Мутахассиснинг таъкидлашича, Apple’нинг янги смартфони тақдимоти 15 апрель куни бўлиб ўтади, 22 апрелда эса қурилма бутун дунё бўйлаб сотувга чиқади. Бу ҳақда компания ходимларнинг ички йиғилишида маълум қилган.
Инсайдернинг таъкидлашича, ушбу муддатлар ҳозирча тахминий бўлиб, коронавирус сабаб ўзгариб қолиши мумкин.
Тасдиқланмаган маълумотларга кўра, iPhone 9 саккизинчи моделдаги шаклини сақлаб қолиб, 4,7 диагоналли дисплейга эга бўлади. Гаджет учун ғилофлар яқиндагина Best Buy дўконида пайдо бўлган.
Аввалроқ iOS 14 операцион тизими кодида iPhone 9 Plus ҳақида маълумотлар аниқлангани ҳақида хабар берилганди.
Изоҳ (0)