Ички ишлар вазирлиги ҳузуридаги Тергов департаменти Равшан Йўлдошев вафоти муносабати билан марҳумнинг оила аъзоларига таъзия билдирди.
«Равшан Йўлдошев 1961 йилнинг 2 апрелида Хоразм вилоятида таваллуд топган. У ёшлигидан меҳнатсеварлиги ва билимга чанқоқлиги билан бошқа тенгдошларидан ажралиб турган. У болалигидан ички ишлар тизимида ишлашни орзу қилган. Шу сабаб 1985 йилда Тошкент давлат университетини тамомлагач, Ўзбекистон Ички ишлар вазирлиги Тергов бошқармаси терговчиси сифатида ишлай бошлаган. 1997 йилда ушбу бошқарманинг иқтисодий жиноятларни тергов қилиш бўлими бошлиғи ўринбосари этиб тайинланган. У 2002 йилда шахсий илтимосига кўра ички ишлар идораларидан қуролли кучлар захирасига бўшатилган. Фаолияти давомида 12 марта рағбатлантириш олган. У 30 март куни юрак хуружидан вафот этди. Марҳумнинг шогирдлари бугунги кунда давлат бошқарувининг турли соҳаларида раҳбарлик лавозимларида ишлаб келмоқда.
Яратгандан марҳумнинг охирати обод бўлишини ва яқинларига сабр ато этишини тилаймиз», — дейилади Тергов департаменти томонидан тайёрланган видеороликда.
Эслатиб ўтамиз, Шаҳзоданинг собиқ турмуш ўртоғи, хонанда Лоланинг отаси, «Тарона Рекордс» компанияси асосчиси Равшан Йўлдошев 30 март куни юрак хуружидан вафот этди. Марҳум ҳаётининг сўнгги дақиқаларида унинг ёнида собиқ рафиқаси, хонанда Шаҳзода бўлган.
Мавзуга доир:
- «Ўртамиздаги ришта ҳеч қачон узилмайди». Лола отаси Равшан Йўлдошев билан ғойибона видолашди
- «Тарона Рекордс» асосчиси Равшан Йўлдошевнинг коронавирусдан вафот этгани тўғрисидаги гап-сўзлар рад этилди
- «Бир кун аввал гаплашганимда ҳаммаси яхши эди». Равшан Йўлдошевнинг қизи Анора уни хотирлади
- Собиқ «Сетора» гуруҳи хонандалари Равшан Йўлдошев ҳақида: Сизни қучоқлаб, ҳаммаси учун раҳмат айтишга улгурмадик
- Райҳон Равшан Йўлдошев унинг қўшиқларини «Ўзбегим таронаси» радиосида бепул «айлантириб бергани» ҳақида сўзлаб берди
Изоҳ (0)