Коронавирус ҳамон жаҳон кино саноатини тўхтатиб турибди. Кўплаб лойиҳаларнинг тасвирга олиш жараёнлари «музлатилган», шу сабабли актёрлар ва бошқа кўплаб юлдузлар карантинга риоя қилмоқда. Изоляцияга қарамай, айрим актёрлар ижтимоий тармоқлар ўз обуначиларини турли усуллар билан хушнуд этмоқда, деб хабар беради «КиноПоиск».
Пандемиядан зериккан актёр Пол Беттани ўзининг ташқи кўринишини суратда қаритиб, остига «9124-кун» деб ёзиб қўйди.
Бошқа юлдузлар эса ижтимоий тармоқлардаги саҳифалари орқали кўпроқ мусиқага мурожаат қила бошлади. Масалан, Рон Перлман 21 март куни вафот этган Кенни Рожерсни хотирлаб, обуначилари учун унинг «The Gambler» қўшиғини куйлаб берди.
https://www.instagram.com/p/B-K9Su8pvww/
«Firefly» сериалининг юлдузи Алан Тьюдик эса карантинда ўтирганларни қўллаб-қувватлаш мақсадида кичикроқ қўшиқ ёзди.
https://www.instagram.com/p/B97dLOPhx-_/?utm_source=ig_embed
Twitter’да эса Бен Платт ижросидаги «The Rainbow» қўшиғини тинглаш мумкин.
https://twitter.com/BenSPLATT/status/1241468171556540416
Пандемия сабаб концертлари бекор қилинган Мадонна эса ўзининг «Vogue» қўшиғини куйлаб берди. Рақсга тушишга чорловчи сатрлар ўрнига қўшиқчи «Кел, озгина қовурилган балиқ еймиз… Қани рақсга туш, ахир макарон қолмади», дея куйлаган. Бу орқали у супермаркетларда озиқ-овқат маҳсулотлари танқислигига ишора қилган.
https://www.instagram.com/p/B99e4YpCpuv/?utm_source=ig_embed
Яна бир мусиқачи Робби Уильямс эса Instagram’да бир неча кун онлайн-концерт берди.
Лора Дерн ҳам четда тургани йўқ, у ўз обуначилари учун «Гектор — архитектор» болалар китобини ўқиб берди.
https://www.instagram.com/p/B-GCQ1Bhdpw/
Ричард Э.Грант эса «Уитнэйл ва мен» лентасини ёдга олиб, унда қаҳрамонни полициячи тўхтатган саҳнани пародия қилди.
https://twitter.com/RichardEGrant/status/1241319887466909701
Жим Керри эса яна соқол ўстиришга қарор қилди ва ҳар куни жараён қандай кетаётгани тасвирланган суратларни жойлаб боришга ваъда берди.
Селена Гомес, Маргарет Куэлли ва Оливия Уайлд ҳамкасблари ортидан бориб, обуначиларига пандемия вақтида қўлни қандай тўғри ювиш кераклигини кўрсатди.
https://www.instagram.com/p/B-A-zqAHT0v/?utm_source=ig_embed
https://www.instagram.com/p/B-D1iXPp-90/?utm_source=ig_embed
https://www.instagram.com/p/B-A3PkSDOoU/?utm_source=ig_embed
Изоҳ (0)