Таиланд бош прокуратураси COVID-19 коронавируси ҳақида 1 апрель ҳазилларини қилган фуқаролар қамалиши мумкинлиги ҳақида огоҳлантирди, деб хабар беради «Коммерсантъ».
Таъкидланишича, Таиландда коронавирус билан касалланганлар сони 1,6 минг кишига етган, 10 киши вафот этган.
«1 апрель — Ҳазил кунида коронавирусга оид ҳазилларни интернет, ижтимоий тармоқлар ёки ОАВ орқали тарқатган шахслар икки йилгача озодликдан маҳрум этилиши ёки 1,3 минг долларгача жаримага тортилиши мумкин», — дейилади хабарда.
Эслатиб ўтамиз, Таиландда 26 мартдан бошлаб фавқулодда ҳолат режими жорий этилган бўлиб, мамлакатга кириш ва чиқиш бутунлай тўхтатилган.
Мавзуга доир:
Изоҳ (0)