Қозоғистонда коронавирус оқибатида вафот этиш бўйича учинчи ҳолат қайд этилди. Бу ҳақда мамлакат Соғлиқни сақлаш вазирлигига таяниб, «РИА Новости» хабар берди.
Сўнгги маълумотларга кўра, Қозоғистонда 363 кишида коронавирус аниқланган бўлиб, бугунги кунга қадар 2 киши вафот этган эди. 16 март кунидан буён мамлакатда фавқулодда ҳолат эълон қилинган. Нур-Султон ва Олмаотада 19 мартдан бошлаб карантин тартиби жорий этилган. Кейинроқ мамлакатнинг бошқа ҳудудларида ҳам чеклов чоралари амалга киритилганди.
«Қарағанда вилоятида коронавирус инфекцияси оқибатида вафот этиш ҳолати қайд этилди», — дейилади хабарда.
Аввалроқ 21 март кунидан бери Нур-Султонда шифохонага ётган 50 ёшли эркак вафот этгани ҳақида хабар берилганди.
Мавзуга доир: Қозоғистон пойтахти аҳолиси дарё бўйига уйи йўқлар учун маҳсулотлар тўлдирилган пакетлар ташлаб кетмоқда (фото)
Изоҳ (0)