«Кинопоиск» тез кунларда экран юзини кўриши кутилаётган фильмларнинг энг яхши трейлерини тўплаб тақдим этди.
«Қоч»
Фиби Уоллер-Брижнинг ҳаётдаги муаммолардан қочиб, яширинишга уринган инсонлар ҳақидаги продюссерлик лойиҳаси. Сюжет марказидан — коллежда учрашиб, кейинчалик ажрашиб кетган Руби ва Билли ўрин олган. Бироқ ажралишдан олдин улар яна учрашишни истаб қолгудек бўлса, «қоч» деган хабар юборишга келишиб олади. Кунларнинг бирида Рубига худди шундай хабар келади. У Биллининг муаммолари кўплигидан бехабар ҳолда саёҳатга отланишга рози бўлади.
«Буюк», биринчи мавсум
«Оскар» мукофоти номинанти бўлган «Фаворитки» фильмининг сценарий муаллифи Тони МакНамара Россия императори Павел III ва унинг турмуш ўртоғи ўртасидаги муносабатларни ўз услубида кўрсатиб беришга уринган. Немис князининг қизи София кейинчалик Екатерина II га айланиб, мамлакатни ўзгартириб юборади. Бироқ аввал у кўнглига келган ишни қилаверадиган эркатой эрини қўлга олиши керак.
«Қурбонлик ўйини», биринчи мавсум
Манякни қидиришга бағишланган тайван триллери. Бош қаҳрамон — судмедексперт. У яқиндагина фаоллашган маняк томонидан ваҳшийларча ўлдириб кетилган инсонларнинг шахсини аниқлаши керак, полицияда эса бу борада ҳеч қандай ечим йўқ. Вазият мураккаблашиб, эркак ўз қизининг ушбу қотилга қандайдир алоқаси борлигини аниқлаб қолади. Шундан сўнг, у ишни мустақил равишда суриштиришга киришади.
«Мерос»
Янги бўлмаган оилавий сирлар ҳақида, бироқ қизиқарли актёрлар таркиби билан ишланган фильм. Лили Коллинз ижросидаги бой оиланинг фарзанди адвокатлик карьераси билан шуғулланишни бошлаган бир пайтда, унинг отаси юрак хуружидан вафот этади. Аниқланишича, мерос сифатида у ўрмондаги бир бункерни қолдирган. У ерда эса Саймон Пегг қаҳрамони занжирбанд қилинган.
«Совутдаги арвоҳ: Ёлғизлик синдроми 2045», биринчи мавсум
Майор Макото Кусанаги ва унинг бўлинмаси ҳақида сўзловчи аниме-сериалнинг сўнгги трейлери. Афтидан, бош қаҳрамондан фалсафий жиҳатларини кутмаса ҳам бўлади, аммо анимеда жуда кўп экшн ва киборглардан ҳам ўтувчи янги турдаги инсонлар мавжуд.
«Уиллоби оиласи»
Лоис Лоурининг китоби асосида ишланган мультфильмда ностандард кадрлар частотасидан фойдаланилгани сабаб анимация қўғирчоқларни ёдга солади. Сюжет марказидан ўзларининг худбин ота-оналаридан қутулишни истаган ва уларни узоқ таътилган юборган болалар ўрин олган. Қизиқарли саргузаштлар айнан шундан бошланади.
Изоҳ (0)