«Аякс» клуби ярим ҳимоячи Абдулҳақ Нури билан шартномани бекор қилди, дея хабар қилмоқда De Telegraaf.
«Аякс» футболчиси 2017 йилнинг 8 июлида «Вердер»га қарши ўртоқлик ўйинида ҳушидан кетиб миясидан жиддий жароҳат олганди. Аввалроқ Нури 2 йил-у 8 ойдан сўнг кома ҳолатидан чиқди. Клуб бу вақт давомида футболчининг маошини тўлиқ тўлаб келган. «Аякс» Нурига 2020 йил охиригача маош тўлайди.
Манбада таъкидланишича, агар клуб бу йўлни тутмаганда футболчи билан амалдаги шартнома 1 июлдан аввалги шартлар асосида автоматик тарзда узайиб кетарди.
Қайд этилишича, «Аякс» бу ҳаракат орқали коронавирус туфайли юзага келган инқироз пайтида харажатларни камайтирмоқчи. Бироқ «Аякс» Нурининг оиласи билан музокара олиб бормоқда ва келажакда уни қўллаб-қувватлашга тайёр.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)