Қашқадарё вилоятининг Шаҳрисабз шаҳридаги хусусий клиника раҳбари Нурали Шоимов вилоят соғлиқни сақлаш бошқармаси бошлиғи ўринбосари Ботир Жўраев унга босим ўтказиб, фаолият юритиб келаётган ҚВП биносидан чиқиб кетишини талаб қилаётганини айтганди.
Қашқадарё соғлиқни сақлаш бошқармаси ахборот хизмати мазкур ҳолатни рад этмоқда.
Мақолада қайд этилган бошқармамиз мутасаддилари томонидан тадбиркорга босим ўтказилгани ҳақидаги маълумотлар асоссиз, деб ҳисоблаймиз. Шаҳрисабз тумани тиббиёт бирлашмаси балансида бўлган 70 ўринли, 2013 йилда замонавий лойиҳа асосида қурилган Қорасув ҚВП биноси 2018 йилдан 2019 йил декабргача «Сардор Нур Мед Сервис» хусусий корхонаси томонидан ижарага фойдаланиб келинган.«Дарё»га шикоят қилган тадбиркор «вилоят соғлиқни сақлаш бошқармаси бошлиғи ўринбосари Ботир Жўраев менга дўқ қилиб, ҳар қандай вазиятда ҚВП биносидан мажбурлаб чиқаришини айтди. Ва менга босим ўтказаётгани учун ‘олти марталаб’ жавоб беришини таъкидлади», — дея аудиоёзув ҳам тақдим этганди.Шартнома муддати якунланганидан сўнг, илгари Шаҳрисабз шаҳар тиббиёт бирлашмаси тасарруфидаги биноларда ижарада туриб, фаолият кўрсатиб келган туман тиббиёт бирлашмаси тасарруфидаги сил касалликлари диспансери жойлаштирилган. Шаҳрисабз тумани ҳокимининг 2020 йил 4 февралдаги қарори ҳамда туман тиббиёт бирлашмасининг буйруғига асосан Шаҳрисабз тумани тиббиёт бирлашмасига қарашли Қорасув ҚВП биноси ва эгаллаб турган ер майдони туман сил касалликлари диспансерига доимий фойдаланиш учун ажратиб берилган.
Маълумот ўрнида қайд этиш керакки, Ўзбекистон Республикаси Президентининг 2018 йил 7 декабрдаги «Ўзбекистон Республикаси Соғлиқни сақлаш вазирлиги фаолиятини ташкил этиш чора-тадбирлари тўғрисида»ги қарорига асосан Ўзбекистон Республикаси соғлиқни сақлаш вазирининг розилигисиз давлат соғлиқни сақлаш муассасаларининг ер участкалари ва кўчмас мулклари бегоналаштирилиши тақиқланган.
Қашқадарё соғлиқни сақлаш бошқармаси ахборот хизмати
Изоҳ (0)