Транпсорт вазирлиги 30 март соат 06:00 дан бошлаб, вилоятлар маркази, Тошкент ва Нукус шаҳрида аҳамияти юқори бўлмаган ҳамда шахсий автомобиллар ҳаракатига нисбатан жорий қилинган чеклов юк машиналар ва қишлоқ хўжалиги техника воситаларига нисбатан татбиқ этилмаслигини маълум қилган.
Транспорт вазирлиги матбуот котиби Наврўз Ашурматов 30 март куни АОКА ҳузурида ташкил этилган штабдаги брифингда автомобиль ҳаракати чекланиши қишлоқ хўжалигида фойдаланиладиган техника воситалари, шунингдек, юк машиналари эгаларига татбиқ этилмаслигини билдирди.
Ашурматовга кўра, агротехника воситалари ва юк машиналари ҳаракатига чеклов йўқ. Улар карантиндаги Тошкент шаҳрига кириш ва чиқиш имкониятига эга. Бундай транспорт воситалари учун алоҳида йўлаклар жорий қилинган.
Чеклов велосипед, скутер ва мототранспорт ҳайдовчиларига ҳам тааллуқли эмас.
Изоҳ (0)