Вазирлар Маҳкамасининг қарори асосида Улуғбек Муродов Инвестициялар ва ташқи савдо вазирлиги ҳузуридаги Экспортни рағбатлантириш агентлиги директори этиб тайинланди.
ЎзАнинг хабар беришича, Улуғбек Муродов ҳозиргача мазкур лавозимда 2019 йилнинг апрель ойидан буён ишлаб келган Олимжон Қаюмов ўрнини эгаллади.
Лавозимга тайинлангунга қадар Улуғбек Муродов Экспортни рағбатлантириш агентлиги директори ўринбосари бўлиб келган.
Эслатиб ўтамиз, Экспортни рағбатлантириш агентлигининг асосий вазифаларидан бири экспорт қилувчиларни маркетинг, нарх белгилаш, транспорт логистикаси, сертификатлаш, стандартлаштириш ва сифат назорати, солиқ ва божхона маъмуриятчилиги, чет эл бозорларига «ягона дарча» принципи орқали кириш масалалари бўйича ахборот ва маслаҳат билан қўллаб-қувватлаш ҳисобланади.
Изоҳ (0)