Халқаро мутахассис, Корея республикасининг Корё университети профессори Цой Чжэ Ук халқаро эксперт сифатида Жанубий Корея тажрибаси билан Ўзбекистонда қўлланилаётган коронавирусга қарши курашиш бўйича бугунги методологияни уйғунлаштириш мақсадида мамлакатга таклиф этилди. Бу ҳақда ССВ жамоатчилик билан алоқалар бўлими хабар қилди.
«Корё университети профессори, Корея тиббиёт ассоциацияси илмий-текшириш қўмитаси раиси, ушбу ассоциациянинг коронавирусга қарши курашиш бўйича штаби етакчи маслаҳатчиси Цой Чжэ Ук юртимизда Соғлиқни сақлаш вазирлиги мутахассислари билан ҳамкорликда фаолият олиб боради.
Ушбу халқаро эксперт билан ҳамкорликда, шунингдек, коронавирус инфекцияси билан касалланган беморларни самарали даволаш ва уларнинг хасталикдан тезроқ фориғ бўлишлари учун юқори тиббий технологиялардан унумли фойдаланишни янада кучайтиришга ҳам алоҳида эътибор қаратиш кўзда тутилган», — дейилган ССВ хабарида.
Мавзуга доир:
- Президент Давлат хавфсизлик хизмати ходимлари иш ҳақининг бир қисмини «Меҳр-шафқат ва саломатлик» жамоат фондига ўтказди
- Ўзбекистонда тез ёрдамни ёлғондан чақирганлик учун жазо белгиланиши кутилмоқда
- Ўзбекистонда коронавирусга қарши курашда шифокорларнинг кўнгилли сифатида иштирок этиш тартиби маълум қилинди
Изоҳ (0)