Америкалик модель, актриса Ким Кардашьян коронавирус эпидемиясига қарши курашга ўз ҳиссасини қўшишга қарор қилди. 39 ёшли юлдузга қарашли SKIMS кийим бренди коронавирус туфайли мураккаб вазиятда қолганлар учун 1 миллион доллар хайрия қилди, деб ёзади Cosmopolitan.
«Коронавирусдан зарар кўрган оилалар, она ва болаларни шундай мураккаб даврда қўллаб-қувватлаш учун SKIMS томонидан миллион доллар ажратилишини фахр билан маълум қиламан», — деб ёзган Ким.SKIMS 30 мартдан янги коллекцияни сотувга чиқаради. Канье Уэстнинг турмуш ўртоғи ҳисобланган Ким савдолардан олинган даромад фоизларини ҳам ночорларга ёрдам сифатида сарфлашни режалаштирмоқда.
Аввалроқ Ким Кардашьяннинг ўгай синглиси Кайли Женнер ҳам коронавирус пандемияси билан курашаётган тиббиёт ходимларига ҳимоя кийимлари ва ниқоблар сотиб олиш учун бир миллион доллар ажратганди.
Таъкидлаш жоиз, COVID-19 билан касалланганлар сони бўйича айни вақтда АҚШ етакчилик қилмоқда. Бутун дунёда вирус билан касалланганлар 800 мингга яқинлашиб қолган бўлса, шундан 160 мингдан ортиғи Америкага тўғри келади.
Мавзуга доир:
- Рианна коронавирусга қарши курашга 5 миллион доллар ажратди
- Эмма Уотсон ким учун уйда қолаётганини маълум қилди
- Белла Ҳадид карантинда худбин бўлмаслик ва дўконда ҳожатхона қоғозларини талашмасликка чақирди
- Селена Гомес қўлларни тўғри ювиш бўйича челленжни бошлаб берди (видео)
- Ким Кардашьян кўчада қисқичбақага дуч келди ва уни Twitter’да юлдузга айлантирди
Изоҳ (0)